Wednesday, මැයි 10, 2017 - 10:15
මත්ද්රව්ය නාශක කණ්ඩායමකට කළ වෙඩි තැබීම පිළිබඳව නීතිය හා සාමය සහ දක්ෂිණ සංවර්ධන අමාත්ය සාගල රත්නායක මහතා පොලිස්පති පූජිත් ජයසුන්දර මහතාගෙන් පරීක්ෂණ වාර්තාවක් කැඳවා තිබේ.
ඒ බව අද ඒ මහතා නිකුත් කළ ප්රවෘත්ති නිවේදනයක දැක්වේ.
පිළියන්දල මොරටු පාරේ රාජ්ය බැංකුවක් ඉදිරිපිටදී ඊයේ (09) රාත්රී 08.45 ට පමණ වැටලීමක් සදහා ගිය පොලිස් මත්ද්රව්ය නාශක කාර්යාංශයේ කණ්ඩායමකට සිදුකල වෙඩි තැබීමකින් එක් පොලිස් නිලධාරියෙකු ජීවිතක්ෂයට පත්වී තවත් පොලිස් නිලධාරියෙකු බරපතල තුවාල ලැබීමේ සිද්ධිය සම්බන්ධයෙන් ගරු නීතිය හා සාමය සහ දක්ෂිණ සංවර්ධන අමාත්ය සාගල රත්නායක මහතා පොලිස්පති පූජිත් ජයසුන්දර මහතාගෙන් පරීක්ෂණ වාර්තාවක් කැඳවා තිබේ.
විශේෂයෙන්ම සුදුසු සූදානමකින් තොරව මෙවැනි වැටලීමක් සදහා මත්ද්රව්ය නාශක කාර්යාංශයේ කණ්ඩායමක් පිටත්ව යෑමට හේතුව ඇතුලුව සිද්ධිය සම්බන්ධයෙන් සම්පුර්ණ වාර්තාවක් දින තුනක් ඇතුළත තමන් වෙත ලබාදෙන ලෙස ගරු අමාත්යතුමන් විසින් පොලිස්පතිවරයාට උපදෙස් දී ඇත.
අදාල පරීක්ෂණ වාර්තාව සමබන්ධයෙන් කටයුතු කිරීමට පොලිස්පතිවරායා විසින් ජේෂ්ඨ නියෝජ්ය පොලිස්පති එම්.ආර්. ලතීෆ් පත්කර තිබේ.
අදහස් 2ක් ඇත
matdrawiya nasaka kandayamata wedi tabima policeta
matdrawiya nasaka kandayamata wedi tabima policeta
නව අදහස දක්වන්න